Edhe pse ai tashmë nuk është më ambasadori amerikan në Shqipëri dhe ndonëse në prag të largimit të tij, Donald Lu nuk ka harruar të japë një mesazh për të gjithë qytetarët.
Në ditën ndërkombëtare të demokracisë, Lu në një postim në faqen zyrtare në facebook të Ambasadës Shqiptare, shkruan disa fjalë për demokracinë duke shprehur se çfarë është dhe çfarë garanton.
”Demokracia është diçka që na bashkon të gjithë ne, amerikanë dhe shqiptarë. Është e rrëmujshme. Është e komplikuar. Dhe shpesh është e mbushur me konflikte dhe polemika por, në fund, demokracia na garanton liritë që i konsiderojmë kaq të vyera”, thuhet në mesazhin e Lu.
