11 vite më parë, familja Huli që banon në Bathore, iku nga zonat e thella të veriut e ndërtuan një shtëpi-barake që nuk e kanë përfunduar ende.
Iu afruan Tiranës, por edhe varfërisë.
Kryefamiljari Bashkim Huli thotë: “Kam 4 muaj e gjysmë shtrirë sepse jam sëmurë. 10 ditë në muaj punoj, gjej punë ku të dalë. Kam hernie diskale, nerv shiatik, variçe…”
Bashkëshortja e tij, Nazmie Huli shprehet: “Nuk ia plotësoj dot kushtet fëmijëve. Librat kushtojnë rreth 100 mijë lekë (të vjetra), pa fletore. Jam në borxhe”.
Përveç librave, për Izmirin dhe motrën e tij Veronikën mungon edhe ushqimi.
“Mish kemi pak, na e kanë dhënë për Bajram. Kur nuk kemi për të ngrënë bukë në darkë, pimë ujë. E kalojmë urinë me ujë”, tregon Izmiri, djali i shtëpisë.
11-vjeçarja Veronika e ka një pasion, ajo është piktura: “Bëj punimë me guaska dhe merrem me piktura”.
Kushtet e vështira nuk e kanë penguar aspak Izmirin që të shkëlqejë në mundje dhe futboll. Po ashtu, edhe Veronika e përfundoi klasën e pestë me nënta dhe dhjeta./tch
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
