VIDEO/At Nikolla vuan nga dy sëmundje të rënda, apelon për ndihmë

At Nikolla Marku, prifti drejtues i kishës ortodokse autoqefale me qendër në Elbasan, vuan nga dy semundje të rënda ajo e parkinsonit dhe hernia diskale.

Në një video të publikuar në rrjetet sociale, At Nikolla bën apel për ndihmë duke u kërkuar  shqiptarëve që ta ndihmojnë financiarisht pasi e ka të pamundur të kurohet dhe të mbulojë shpenzimet jashtë Shqipërisë.

Postimi në facebook:

Jam At Nikolla Marku, prifti drejtues i kishës ortodokse autoqefale kombëtare shqiptare me qendër në qytetin Elbasan.
Gjithë aktiviteti jonë në kishën Shën Maria është zhvilluar dhe vazhdon të zhvillohet në dy pika kryesore duke pasur për bazë gjithmonë çështjen kombëtare shqiptare. Kisha daton ne vitin 1486.

1- të udhëheqim kishën orthodokse shqiptare me klerikë shqiptarë dhe jo me klerikë të huaj.
2-për ta çliruar nga helenizmi greko-orthodoks kishën orthodokse shqiptare dhe të shpallet botërisht kisha indipendente ortodokse shqiptare .

Gjatë këtyre 25 viteve kam punuar dhe vazhdoj të punoj me këmbëngulje, seriozitet dhe dinjitet për ta ruajtur këtë institucion nga ndikimet e huaja dhe për fuqizimin dhe ruajtjen e trashëgimisë kulturore të popullit tonë shqiptar.

Por nga ana tjetër jam i sëmurë rëndë këto 3 vitet e fundit dhe vuaj nga një sëmundje e cila po më mundon shumë, diagnoza parkinson bashkë me hernien diskale.

I detyruar nga kjo situatë e tillë, i drejtohem vëllezerve dhe motrave shqiptare në të gjithë botën të mundësojnë që të më ndihmojnë financiarisht për t’u kuruar në një nga klinikat e specializuzra në Europë, pasi sëmundja ka përparuar shumë. 
Familja ime nuk është në gjendje ta bëjë këtë financim.

Kur të bëhet e mundur kjo gjë familja ime do të vazhdojë të ju informojë se ku do më çojnë, duke ju treguar çdo kurim që do marr. 
Zoti ju bekoftë juve dhe gjithë shqiptarët kudo ku ndodhen.
Amin!

*Videoja nuk është publikuar në faqen e tij, por nga një person tjetër

/DRONI.al/