Pas jahtit më të shtrenjtë e të madh në botë e pronarit rus Andrey Melnichenko, Sarandën ‘e pushton’ një tjetër jaht luksoz dhe i shtrenjtë.
Në mjetin lundrues “Katara” udhëton babai i Emirit të Katarit, sheik Hamad Bin Khalifa Al-Thani. Babai i sheik Tamim Bin Hamad Al –Thani do të vizitojë Sarandën dhe do të ndalet të shohë gjithë bregdetin e jugut si dhe në Durrës.
Sheiku është pritur në port nga ambasadori i Katarit, ndërsa ka qenë në shoqërinë e 70 përfaqësuesve të kompanive nga Katari. Shkëlqesia e Tij, Sheikh Hamad Bin Khalifa Al-Thani do të shoqërohet edhe nga Garda e Republikës së Shqipërisë.
Por prezenca e këtyre jahteve në Shqipëri të bën të ngresh pyetjen se a mos vallë qeveria po përpiqet të marrë mendjen e qytetarëve me jahte të tilla për tiu larguar realitetit të dhimbshëm të braktisjes së plazheve në vend…
