Ministri serb i Punëve të Jashtme Ivica Daçiq ka vlerësuar se qëllimet maksimaliste të Kosovës, e cila, sipas tij, krahas njohjes së pavarësisë e do edhe Preshevën e Bujanocin, janë pengesat kryesore për arritjen e zgjidhjes së problemit të Kosovës.
Ai për RTS ka thënë se aktualisht është e pasigurt të thuhet se kur do të arrihet marrëveshja kornizë në bazë të së cilës do të zgjidheshin marrëdhënie me Kosovën.
“Personalisht mendoj se ndarja është zgjidhje, për këtë gjë flas tash e dhjetë, për këtë ka folur edhe Dobrica Qosiqi e nuk është tradhtar, për të ka folur edhe Zoran Gjigjiqi. Dikush thotë se me këtë qëndrim ai ka shkaktuar zemërimin që më pas ka përfunduar me sulm”, ka thënë Daçiq.
Qosiq, shkrimtar dhe nacionalist serb me qëndrime shumë të qarta kundër shqiptarëve dhe Kosovës, ka vdekur në vitin 2014, Zoran Gjingjiq, u vra në Beograd derisa ishte kryeministër i Serbisë në marsin e vitit 2003.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
