Parlamenti ka shtyrë sërish projektligjin për statusin e prokurorëve dhe gjyqtarëve i njohur ndryshe si ligji i magjistratëve për në shtator.
Ky projektligj i kundërshtuar nga opozita u shty, pasi nevojiten 84 vota për miratim, por me bojkotin e dy partive në opozitë, mazhoranca në mungesë të votave, zgjedh ta shtyjë votimin e këtij ligji.
Ndërkohë LSI pak më para, nëpërmjet Luan Ramës, kërkoi dialog. Ndërsa kryetari i partisë demokratike Lulzim Basha propozoi 7 pikat të cilat sipas tij mund të bëjnë që opozita ta votojë ligjin.
Ndërkohë është shtyrë me 6 muaj mandati i komisionit të Reformës zgjedhore.
Mbetet për tu parë nëse mazhoranca do ti marrë parasysh 7 kushtet e Bashës, ndërkohë që kuvendi vazhdoi të miratojë ligjet sipas rendit të ditës, pa praninë e opozitës duke mbyllur kështu këtë seancë.
