Kryente korrupsion gjatë ushtrimit të detyrës. Emiljano Taku ishte punonjës me detyrë specialist i menaxhimit të trafikut interurban.
Shërbimi për Çështjet E brendshme dhe Ankesat ka arrestuar punonjësin pasi dyshohet se i kërkoi 2 mijë lekë një qytetari në këmbim të dënimit.
Arrestimi është bërë në Kamëz, ku dhe nga kontrolli iu gjet dhe kartmonedha e prerjes 2 mijë lekë.
Njoftimi për arrestimin e oficerit të Policisë:
Shërbimi për Çështjet e Brendshme dhe Ankesat (SHÇBA) Tiranë, arrestoi një punonjës policie për korrupsion
Arrestimi i punonjësit të Policisë me detyrë specialist i menaxhimit të trafikut interurban, në Komisariatin e Policisë Rrugore, Emiljano Taku, u krye nga SHÇBA pasi ky i fundit dyshohet se i kërkoi një shumë parash prej 2 mijë lekësh një qytetari, në këmbim të shmangies së masës administrative.
Denoncimi për këtë rast erdhi nga vetë qytetari në numrin e gjelbër të SHÇBA 0800 90 90.
Menjëherë pas marrjes së denoncimit SHÇBA ka identifikuar punonjësin e policisë në “Bulevardin Blu”, në Kamëz dhe e arrestuan atë.
Gjatë kontrollit efektivit të rrugores iu gjet edhe kartmonedha e prerjes 2 mijë lekë, numri i serisë i së cilës korrespondon me numrin që qytetari kishte dhënë gjatë denoncimit.
Vijojnë hetimet për zbardhjen e plotë të rrethanave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
