Ashtu siç kishin njoftuar një ditë më parë, të rinjtë e FRPD dhe LRI kanë nisur protestën përballë Ministrisë së Brendshme. Protestuesit kërkuan jo vetëm largimin e ministrit të Brendshëm Fatmir Xhafaj, por edhe të Kryeministrit Edi Rama dhe qeverisë së drejtuar prej tij.
Për të rinjtë e PD-së: Qëndrimi ende në detyrë i Xhafajt është një akt i paprecedentë.
“Vëllai i trafikantit ndërkombëtar të drogës Agron Xhafaj duhet të largohet nga drejtimi i Ministrisë së Brendshme si subjekt i Ligjit Antimafia”, thuhet në një reagim të selisë blu.
Kreu i FRPD-s Beldin Këllçi:
“Dy ministra te brendshem te Edi Rames jane faktuar si bashkpunetore te trafikanteve te droges. Ky eshte realiteti i Shqiperise me Edi Ramen. Kjo eshte e verteta qe fasadoqeveria kerkon ta fshehe me ndihmen e parave te droges dhe krimit. Shqiperia eshte kthyer ne diktature, drejtesia ka vdekur, rendi eshte ne duar te krimit, kryetari i opozites survejohet nga policia dhe narko-kryeministri na shet perralla me punesim dhe zhvillim”.
Deputetja e LSI-së Floida Kërpaçi:
“I bëjmë thirrje Edi Ramës dhe qeverisë së tij të inkriminuar të largohet dhe ti lërë vendin të rinjve.”
Ajo shtoi e qeveria është në shërbim të oligarkëve dhe po largon të rinjtë nga Shqipëria.
Protestuesit paralajmëruan protestë edhe ditën e nesërme.
