Duma paralajmëron deputetët e maxhorancës: Të paktën heshtni, nuk e mbuloni dot të vërtetën.
Deputetja demokrate Grida Duma paralajmëroi sot deputetët e maxhorancës për mbrotjen e verbër që po i bëjnë ministrit të Brendshëm Xhafaj dhe përfshirjes së familjarëve të tij në trafikun e drogës.
Në Komisionin e Shëndetësisë, Duma tha se përgjimi i bërë publik nuk mund të mohohet ndaj në mënyrë krejt të pazakontë ajo kërkoi që deputetët e maxhorancës ti thërrasin ndërgjegjes së tyre.
“Unë e di se brenda maxhorancës ka njerëz të sakrifikuar, kamikazë, që duan të mbrojnë një çështje të pambrojtshme. Më vjen keq kur i shoh. Jemi në një momet kur PS i ka të gjitha pushtetet. Keni pushtetin e drejtësisë, ekzekutiv, dhe atë mediatik. Çështja e përgjimit dhe e videos, kush ka inteligjencë, e di që është e pakomentueshme dhe njerëzit e dinë që është e vërtetë. Problemi është se si duhet ta rregullojmë. Të jeni të sigurtë që ka nevojë për disa nga ju për ta rregulluar. Opozita ju ka ndjekur me vëmëndje dhe qytetari por profesionalsiht nga ju nuk kemi marrë asnjë përgjigje që lidhet me ju apo me llogaridhënien sepse jeni në qeveri. Miq, jeni në qeveri dhe po ju quajmë të tillë që ti thërrisni ndërgjegjes tuaj”, tha Duma.
Deputetja e PD tha se kjo çështje nuk mund të tejkalohet me zhurmë apo me kundërsulme kur qytetarët presin llogaridhënie dhe drejtësi. Përballë kësaj situatë ajo kërkoi që minimalisht socialistët të heshtin.
“Nuk mundeni sot që të mos bëni minimalen njerëzore. Nuk ju ka sjellë këtu thjeshtë Edi Rama. Ka mes jush që i kanë sjellë qytetarët dhe ka mes jush njerëz që besojnë se do dalin nga politika pa këto pendime brenda jush. E vemja gjë që sot duhet të pyesni si gra, si nëna e si të doni, a kemi ndopak ndërgjegje me të vërtetën apo jo?! Atë gjë që njerëzit sot e deklarojnë kudo që s’ka kredibilitet politika. Jeni një pozicion që s’po jepni asnjë përgjegje pale llogaridhënie. Ka akuzë ndaj jush, jeni në pushtet dhe nuk ka asnjë përgjigje. Nuk ka ndodhur që kjo situatë të zgjasë gjatë. Jeni në paradoks historik. Më vjen keq kur ju shikoj të shpërdoruar megjithëse keni arsye për të heshtur nëse nuk thoni as minimumin e të vërtetave”, tha Duma.
