Një ngjarje shumë e rëndë ndodhi sot në Vlorë. Një nxënëse 18-vjeçare e shkollës së mesme “Jani Minga”, ka humbur ndjenjat në klasë.
Më pas është dërguar me urgjencë. Fatkeqësisht adoleshentja ka humbur jetën në spital. Nxënësja që ka humbur jetën është identifikuar si Gerta Kasaj.
Mjekët e spitalit të Vlorës kanë bërë të ditur se, nxënësja vuante nga epilepsia, që besohet se ka sjellë edhe vdekjen e saj.
Pas kësaj ngjarje, shkolla “Jani Minga” është përfshirë nga paniku dhe është ndërprerë mësimi.
