Detaje të reja janë zbardhur për vrasjen e Komisarit Artan Cuku, ku që në fillim dyshimet ishin se krimi ishte kryer me urdhër nga jashtë, për shkak të punës së tij.
News24 raporton sot se është zbuluar edhe emri i personit që dyshohet se ka urdhëruar vrasjen e Komisarit Cuku. Dyshohet se Jambelli ka kontaktuar me Mikel Shalarin, i cili më pas ka vendosur që të bëjë edhe krimin e rëndë.
I dyshuari si urdhërues është Bledar Jambelli, i arrestuar në dhjetor të vitit 2012, në lidhje me vrasjen e Amarildo Delaj.
Bledar Jambelli i njohur ndryshe si Rikardo Muho, lindur në Mbrostar të Fierit, dyshohet edhe si autor i tre vrasjeve të tjera më parë.
I sipërpërmenduri akuzohet për vrasjen e dy personave, Shpëtim Muka dhe Ervis Shehu dhe plagosjen e Edvin Zanaj, ngjarje e ndodhur në nëntor të vitit 2006 në lagjen “11 Janari” të Vlorës.
Lidhur me këtë ngjarje Prokuroria kishte nisur hetimet për veprat penale “Vrasje në rrethana cilësuese” dhe “Prodhim dhe mbajtje pa leje e armeve luftarake”, por hetimet ishin pezulluar për shkak të moszbulimit të autorëve.
Ndërkohë arrestimi i tij në fundin e vitit 2012, prej Artan Cukut, është motivi i urdhërimit dhe pagesës së vrasësit të komisarit. Ky arrestim, me dyshimet se i mori jetën Cukut, u bë për akuzën e vrasjes së një tjetër personi, Amarildo Delaj, prej Bledar Jambellit në vitin 2012.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
