Një sasi e konsiderueshme droge është sekuestruar sot në Tepelenë.
Sipas të dhënave paraprake, mësohet se sasia e lëndës narkotike, e paketuar në thasë të zinj, është rreth 500 kg, ndërsa një person është arrestuar.
Burime thanë se në pranga është vënë Zeman Kordha, ndërsa një tjetër person është shpallur në kërkim policor.
Ky aksion shënon një nga ngarkesat më të mëdha të kapur së fundmi në Tepelenë. Droga dyshohet se do trafikohej drejt Greqisë.
