Të mbash një kafshë të rrezikshme në shtëpi është çmenduri, por si duket për familjen Iwan në Indonezi kjo nuk është aspak problem.
Muhammad Iwan, 41 vjeç i’u bleu peshkatarëve të zonës një korkodil të porsalindur, rreth 20 vite më parë, saktësisht në vitin 1997.
Korkodili që kjo familje mban në shtëpi është shndërruar në një bishë të madhe, ai është 8 metra i gjatë dhe peshon rreth 200 kg.
41 vjeçari që kujdeset për krokodilin e quajtur Kojek , thotë se ha rreth 15 kg peshq në ditë. Pamje të pabesueshme tregon Muhammedin duke larë krokodilin 8 metra në oborrin e shtëpisë së tij në Sempur Sub-District, ndërsa fëmijët e tij të vegjël, 2 dhe 10 vjeç, luajnë vetëm pak metra larg.
Muhammedi këmbëngul se bisha 21-vjeçare është plotësisht e zbutur dhe kurrë nuk do ta sulmojë atë ose fëmijët e tij.
Për shkak të famës që korkodili ka marrë përmes videove në Internet ,shumë turistë nga vende të largëta si Amerika, Australia dhe Evropa kanë udhëtuar për të pare nga afër zvarranikun gjigant.
