Në fshatin “Kllojkë”, në bazë të dhënave të siguruara në rrugë operative nga ana e shërbimeve të Komisariatit të Policisë nr. 1, është bërë e mundur kapja e shtetasit të shumëkërkuar Gazmend Biraci , 43 vjeç, banues në fshatin ‘’Kllojkë‘’ , Tiranë.
Ky person është shpallur në kërkim me datë 12. 10. 2016, i cili dyshohej se ishte bashkëpunëtor për veprat penale “Prodhim e shitje e narkotikeve” dhe “Prodhim e mbajtje pa leje e armeve luftarake”, ku gjate operacionit të bërë ne fshatin “Kllojkë” u gjetën dhe u bllokuan në cilësinë e provës materiale, 79.6 kilogram lëndë narkotike e llojit “Cannabis Sattiva”, dhe 6 armë zjarri.
Ndalimi i këtij shtetasi u bë pasi Gjykata e Shkallës së Parë të Rrethit Gjyqësore Tiranë me vendim e datës 14. 12. 2017 e ka dënuar me 9 (nëntë) vjet burgim për veprat penale “Prodhim e shitje e narkotikeve” dhe “Prodhim e mbajtje pa leje e armeve luftarake” parashikuar nga nenet 283-25 dhe 278-25 të Kodit Penal.
