Kreu i Kuvendit shqiptar, ndodhet për një vizitë zyrtare në SHBA. Gjatë kësaj vizite, në videon që shpërndau për mediat, Kuvendi i Shqipërisë, nuk mund të kalojë pa u vënë re një detaj interesant. Kreut të parlamentit shqiptar i duhet një përkthyes për të komunikuar me kongresmenin amerikan Pittinger. Kanë kaluar 27 vjet nga rrëzimi i komunizmit dhe Gramoz Ruçi nuk e ka parë të udhës të mësojë disa fjalë anglisht.
Edhe në jetëshkrimin zyrtar të botuar në faqen e internetit të Kuvendit të Shqipërisë janë lënë pa u përmendur gjuhët e huaja që njeh Gramoz Ruçi. Bashkë me to janë eliminuar edhe postet drejtuese që ai ka mbajtur para viteve 90, atëherë kur në modë ishin parullat antiamerikane.
https://youtu.be/_hJcn14GuXc
