Një i ri shqiptar është arrestuar nga karabinierët e Ragusas, pasi i kanë gjetur 1.6 gramë marijuanë gjatë kontrollit të ushtruar në një operacion antidrogë.
Shqiptari 21-vjeçar me iniciale S. V., ka tërhequr vëmendjen e karabinierëve pasi ishte nervoz gjatë kontrollit në rrugë. Togat e zeza dyshojnë se nga qëndrimi nervoz mund të ketë qenë në pritje të blerësit të sasisë së drogës, ndërkohë që me vete kishte edhe 45 euro.
Pasi i gjetën drogë, karabinierët i kontrolluan edhe shtëpinë, ku gjetën 305 gramë të tjera marijuanë, të fshehura në frigorifer, si dhe 3500 euro të ardhura nga shitja e drogës, si dhe materialet e nevojshme për konfeksionimin e saj.
