Ish-deputeti i PD, Astrit Patozi, nuk i ka ndaluar postimet e tij ironike për gjendjen e partisë ku bënte pjesë. Ai i është drejtuar sot me një mesazh ironik, kryedemokratit Lulzim Basha.
“I dashur Lulzim! Ka vetëm një mënyrë për të dalë me sukses kjo analiza, që ke shpallur se po bëhet në Partinë Demokratike, pas fitoreve të njëpasnjëshme në zgjedhje. Jepja më mirë ta bëjë Vilma Nushi, e cila ka marrë konçensionin e “check up-it”. E para, ta bën shpejt, e dyta, ta bën falas, e treta, ta nxjerr si ta duash vetë, por më kryesorja është se ta njeh edhe qeveria”, shkruan Patozi në rrjetet sociale.
