Vdekja e kompozitorit Aleksandër Lalo/ Reagimi i ashpër i Sidrit Bejlerit: Kam mllef për çapaçulët që janë bërë të pasur dhe harrojnë se baballarët ikën të varfër, turp!

Ditën e djeshme pas ndarjes nga jeta të “Mjeshtrit të Madh” Aleksandër Lalo, përmes një shënimi të gjatë në Facebook ku vlerëson figurën e kompozitorit, këngëtari Sidrit Bejleri reagon ashpër edhe për gjendjen ku ka percepituar arti dhe kultura në Shqipëri. Bejleri shprehet me dhimbje se Mjeshtrat po ikin një nga një dhe vështirë të zëvendësohen ata dhe Arti që na dhuruan. Kantautori i njohur i drejtohet atyre që ai i quan “çapaçulë” të shoëbizit, të cilët pretendojnë se po bëjnë art në këto kohë, duke vënë theksin se artistët e vërtetë nuk u pasuruan kurrë financiarisht por vetëm lanë pasuri pas tyre.
Postimi i plotë i Sidrit Bejlerit:
“Sot në drekë, tek po prisnim të përcillnim trupin e të ndjerit, mjeshtrit Aleksandër Lalo, vura re me keqardhje, por nuk u surprizova, se mungonin shumë “yje” të “shoëbizit” shqiptar. Nuk e kam për ata që e kishin të pamundur të vinin nga largësia dhe varet sa e njihnin. E kam për ata që rendin kush e kush të shkojë sa më shpejt në “dasmat vip”, ftuar e pa ftuar… E kam për ata që pretendojnë se po bëjnë “muzikë” dhe “art” në këto kohë të “arta të muzikës”. E kam për “çapaçulët” që nuk dinë dhe s’kanë për ta kuptuar kurrë sa vlerë dhe peshë ka për t’u bërë Arti i Vërtetë. Mjeshtrat po ikin një nga një dhe vështirë të zëvendësohen e për më tepër Arti që na dhuruan. E di që kohët ndryshojnë, por të zezës nuk i them dot e bardhë. E kam sërish me “çapaçulët” Kush nuk respekton rrënjët dhe baballarët e vet nuk i mbetet gjë pas, e vërtetuar kjo. Si të hash “plehra” po “plehra” do prodhosh. Kam mllef, po po, kam mllef sepse e di mirë çfarë arti na dhuruan Kujtim Laro e Aleksandër Lalo me shokë. Se “çapaçulët” janë bërë të pasur dhe harrojnë se baballarët ikën të varfër, por pasurinë e lanë prapa. …dhe “çapaçulët” vazhdojnë të qelbin ajrin dhe realitetin që me aq mund e sakrifica na e lanë të pastër baballarët tanë…
TURP!!!
Kujt t’i djegë le ta mbajë!”

1 of 1

/DRONI.al/