Në Gjykatën e Krimeve të Rënda është zhviilluar ditën e sotme seanca gjyqësore për Mikel Shallarin, të akuzuarin për vrasjen e komisar Artan Cukut. Ai ka dalë sot në gjyq për rivlerësimin e masës së arrestit, ndërsa avokati ka kërkuar masë të lehtë, “detyrim paraqitjeje” për klientin e tij, por edhe zhvillimin e seancës me dyer të mbyllura pasi sipas tij “klientit i rrezikohet jeta”. Ndërkohë Gjykata e Krimeve të Rënda e rrëzoi kërkesën që kishte bërë Mikel Shallari për detyrim paraqitje dhe e ka lënë në burg. Shallari e ka pranuar vrasjen dhe ka thënë se ka qenë i paguar për këtë akt nga disa persona nga Jugu i vendit. Procesi është ende në fazat e hetimeve paraprake, ndërsa Shallari është shfaqur i tensionuar në gjyq, duke lëvizur shpesh këmbët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
