Një kukull-robot është dhunuar deri seksualisht nga vizitorët e një panairi në Austri. Kukulla seksi e pajisur me inteligjencë artificiale ishte prekur intensivisht nga vizitorët në të gjitha pjesët intime, duke i shkaktuar edhe dëmtime të mëdha.
Ka përfunduar si mos më keq shëtitja në Austri e Samanthas, kukullës robot me vlerë më shumë se 3 mijë stërlina të krijuar nga një spanjoll.
Kukulla e cila është e pajisur me inteligjencë artificiale u prezantua në “Arts elektronika Festival” të Linz ku ka tërhequr vëmendjen e më shumë vizitorëve sesa pritej. Por në disa raste interesi është transformuar pothuajse në përdhunim: në përfundim të festivalit roboti Samantha kishte pësuar aq shumë dëme sa kishte nevojë për një remont total.
“I kanë thyer dy gishta, i kanë prekur intensivisht gjoksin, këmbët dhe krahët. Në fund të panairit e kam gjetur shumë të pisët”, tregoi i hidhëruar krijuesi i Samanthas, Serxhi Santos.
Kukulla është e projektuar që të reagojë duke iu përgjigjur nëse i flitet, dhe të qajë nëse i preken gjinjtë apo ijet.
“Ishte një dashakeqësi, ka shtuar Santos. Njerëzit nuk e kanë kuptuar teknologjinë dhe e kanë trajtuar si barbarë”.
