Rreth 7.5 kilogramë drogë janë kapur nga Guardia di Finanzza në terminalin e portit në Venecia, ku ishte e fshehur në sediljet e pasme të makinës nga dy shqiptarë.
Policia bën me dije se natën e mbrëmshme një makinë ka zbritur nga trageti që vinte nga Greqia në të cilin ishin dy shqiptarët, 34 dhe 42 vjeç, të cilët posedonin drogën. Operacioni për identifikimin e saj u krye në bashkëpunim me zyrat e Agjencisë Doganore, shkruan ANSA.
Makina është ndaluar në bord për kontroll të zakonshëm njofton policia, nga ku vënë re një nervozizëm tek dy shqiptarët, gjë që çoi edhe në kapjen e sasisë së drogës.
Me pajisjet e zbulimit policia ka bërë të mundur gjetjen e 10 pakove marijuanë që ishin të fshehura në sediljet e pasagjerëve.
Dy shqiptarët duket se e kishin paraprirë kontrollin dhe ishin munduar për të siguruar drogën duke e mbështjellë me qese plastike dhe duke e spërkatur me spec djegës për të bërë të mundur mos identifikimin nga qentë.
Kjo përpjekje ka dështuar dhe sot ata ndodhen të arrestuar në Venecia nga ku po hetohet edhe destinacioni që kishte droga.
