Një çift shqiptar, i cili udhëtonte me 30 kg kokainë, në një automjet, tip “Opel”, është prangosur në Milano.
Sipas medieve italiane, mësohet se karabinierët e bërthamës së lëvizshme të Milanos kanë arrestuar një burë dhe një grua, të dy shqiptarë dhe të moshës 37 vjeç, me banim në zonën e Comos, pasi në mjetin e tyre u gjet, sasia e kokainës, e ndarë në 28 “bukë”.
Lidhur me prangosjen e tyre, mediat italiane saktësojnë se ajo ishte e rastësishëm.
Kur makina e karabinierëve qëndroi përkrah makinës së shqiptarëve, me targa gjermane, para një semafori të kuq, sapo pa karabinierët, gruaja u tremb dhe, duke parë reagimin e saj, ushtarakët vendosën të bënin kontroll. Në çantën e gruas u gjetën 1700 euro, të cilat ajo nuk mund t’i justifikonte.
Çifti u shoqërua në kazermën e karabinierëve, ku u zbulua edhe droga në makinë, e cila u pasoua me arrestimin e tyre.
