Magazina e përpunimit të mbetjeve spitalore është shoërthyer me eksploziv. Ngjarja ka ndodhur në Shijak, mbrëmjen e kaluar. Policia ben me dije se mbreme gjate nates, rreth orës 22:55, në Shijak, në afërsi të derës së magazinave të marra me qira nga shteatsi A. L. 33 vjeç banues në Shijak, e cila përpunon mbetje spitalore është hedhur dhe ka shpërthyer një sasi e vogël lënde plasëse. Për pasojë, janë shkaktuar dëme të vogla materiale tek dera e dhomës frigoriferike. Në cilësinë e provës materiale u sekuestrua një copë fitil zjarr- përcjellës. Po punohet për identifikimin dhe kapjen e autorëve. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Shkatërrimi i pronës me eksploziv” parashikuar në nenin 152 të Kodit Penal.
