Specialistët e Seksionit për Narkotikët, në Drejtorinë Vendore të Policisë Tiranë, kanë finalizuar sot operacionin “Continued”, duke arrestuar në flagrancë Miron Xhano, 43 vjeç, banues në Tiranë.
Për këtë person, Specialistët e Seksionit për Narkotikët, dispononin informacion se kryente aktivitetin e kundërligjshëm të shitjes së lëndëve të dyshuara narkotike të llojit Heroinë, në sasi të konsiderueshme si dhe me doza, personave të ndryshëm, në zonën e 21 Dhjetorit, Rrugës së Durrësit dhe Sheshi Karl Topia, duke përdorur automjetin e tij të markës Volkswagen.
Në bazë të informacioneve të marra është organizuar shërbimi me qëllim kapjen në flagrancë të tij dhe konkretisht në Rrugën “Muhamet Gjollesha”, në kryqëzim me Rrugën “Naim Frasheri”, është konstatuar Miron Xhano, të cilit gjatë kontrollit personal iu gjetën në një kuti të vogël, 5 doza me lëndë të dyshuar narkotike e llojit Heroinë.
Gjatë kontrollit të banesës së këtij shtetasi janë gjetur dhe sekuestruar në cilësinë e provës materiale 329.2 gramë me lëndë të dyshuar narkotike e llojit “Heroinë”, e ndarë në paketime dhe doza të ndryshme.
Gjithashtu janë sekuestruar në cilësinë e provës materiale…
1 automjet i markës Volkswagen
4 aparatura telefonike
1 peshore elektronike
Materialet proceduriale do ti kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale “Prodhimi dhe shitja e lëndëve narkotike”, parashikuara nga Neni 283/1 i Kodit Penal.
https://www.facebook.com/1502420603377639/videos/2021864014766626/
