Zyra e Zv.Kryeministres, në cilësinë e drejtuesit të Task-Forcës së ngritur në zbatim të vendimit të Këshillit të Ministrave Nr. 473, datë 01. 06.2017,i është drejtuar Prokurorit të Përgjithshëm Z. Adriatik Llalla për vlerësim të mëtejshëm të materialeve mbi punësimet e kryera në shkelje të Kodit Elektoral të konstatuara në Drejtorinë Ujësjellës Kanalizime sha Durrës për periudhën 25 maj deri në 13 qershor 2017.
Po kështu, zyra e Zv.Kryeministrit, mësohet se, ka referuar në Prokurorinë e Përgjithshme informacionin e verifikuar më parë nga grupi i kontrollit se shoqëria Albpetrol sh. a., shoqëri, e cila ka vartësi direkt nga Ministria e Energjisë dhe Industrisë, pas datës 26 maj 2017 në ka punësuar 18 shtetas në shkelje të Kodit Elektoral .
Zyrtarisht zyra e Zv.Kryeministres, bën të ditur se ka referuar sot në Prokurori edhe informacionin e marrë nga Drejtoria e Përgjithshme e Hekurudhave me seli në Durrës mbi punësimet gjatë periudhës 25 maj deri në datën 12 Qershor.
“Bazuar në VKM-në Nr. 473, datë 01. 06. 2017, pika 31, germa ‘ë’, zyra e Zv.Kryeministres Mandija njofton se ka dyshime të arsyeshme që janë konsumuar elementët e veprës penale të shpërdorimit të detyrës parashikuar nga neni 248 i Kodit Penal dhe korrupsionit aktiv në zgjedhje parashikuar nga neni 328 i Kodit Penal.
Zyra e Zv.kKyeministres thekson edhe njëherë se Task-Forca nxit paanshmërinë dhe trajtimin e barabartë të kandidatëve e partive politike në marrëdhëniet me administratën shtetërore dhe burimet e saj, për krijimin e kushteve të drejta e të barabarta për të gjithë kandidatët dhe partitë politike në procesin elektoral, si dhe mospërdorimin e fondeve dhe burimeve publike për qëllime partiake”, tërheq vëmendjen Zyra e Zëvendëskryeministres Ledina Mandija.
Punësimet “elektorale” në Ujësjellës, Albetrol dhe Hekurudha, zëvendëskryeministrja Mandija denoncon në Prokurori
