Në këtë kohë është bërë shumë i përhapur komunikimi në rrjetet sociale, e kjo siç do gjë tjetër peshon anët e mira dhe të këqija.
Rasti konkret i ka ndodhur një të riu nga Dibra që jeton në Londër, i cili ka rënë pre e këtyre mashtrimeve në rrjetet sociale, konkretisht Facebook dhe Viber.
Ai shkroi sot pranë JOQ, duke treguar atë çfarë i ka ndodhur me adresën false të një femre.
Më poshtë paraqesim rrëfimin e tij të plotë:
Përshëndetje JOQ, doja të ndaja me ju një shqetësim të madh timin. Dikush është futur në llogarinë time në Facebook duke ma vjedhur atë. Veç kësaj më kanë bërë gjënë më të keqe, u kanë bërë kërkesë miqësie të gjithë miqve të mi në Facebook dhe atë afërmve me një adresë tjetër dhe u kanë dërguar video të miat me përmbajtje erotike, të cilat janë bërë gjatë një bisede timen intime në Skype me një vajzë në Londër, por më pas pa e kuptuar ato janë shpërndarë te miqtë dhe të afërmit e mi. Jam bërë për të vrarë veten, prej ditësh jam i mbyllur në shtëpi nuk dal dot t’i shoh njerëzit. Prandaj ju bëj një thirrje shqiptarë të Londrës, bëni kujdes nga Julie Campos dhe ruani veten se mua më është shkatërruar jeta. Gjithashtu lajmëroj të gjithë familjarët e mi, që të mos më kërkojnë në Facebook sepse e kam mbyllur.”
