Investimet kapitale të vitit 2016 deri në tetor u shpërndanë gati në 900 projekte me një vlerë prej 38 miliardë lekësh.
Grosistet më të mëdhenj të investimeve ishin Ministria e Energjetikes dhe Ministria e Bujqësisë me nga 1.3 miliardë lekë secila, të cilat shkuan si mbulimin e kostove lokale për ndërtimin të rrugës përgjatë lumit Devoll nga koncesionari Statkraft dhe kosto lokale për fondin e garancisë që donatorët kanë dhënë në mbështetje të sektorit të Bujqësisë.
Projekti i tretë më i madh ishte programi i infrastrukturës komunale në sektorin e Ujësjellës kanalizove, që u Administruan nga Drejtoria e përgjithshme e Ujësjellësit.
Fondet më të mëdha të investime qeveritare kanë shuar për Tiranës që akomodon një të treten e popullisë së vendit.
Investimet nga fondet buxhetore vetëm për kryeqytetin kapin shifrën e 3.8 miliardë lekëve ose 10 për qind të totalit të shpenzimeve që u kryen për periudhën. Projektet e mëdha për te cilat Tirana mori financimit ishin ndërtimi i Unazës së Re me 1.2 miliardë lekë, projekti i kanalizimeve të Tiranës me rreth 1.1 miliardë lekë, ndërtimi Segmentit Rrugor Tiranës Elbasan në pjesën e Tiranës është financuar me 927 milionë lekë këtë vit.
Ndërsa një pjesë tjetër për 1.5 miliardë lekësh ka shkuar investime në qendrat sociale të kryeqytetit si ne universitete, spitale dhe për planin urbanistik.
Sic shihet nga të dhënat e Ministrisë së Financave qeveria ka ndjekur një politikë copëzimi i investimeve, duke dhënë pak fonde për shumë zëra. Më së shumti shihet se fondi i shpenzimeve kapitale ka shkuar për mbulimin e kostove lokale për projektet e mëdha të investimeve si HEC-et mbi lumin Devoll dhe fondetiPA për Bujqësinë.
Nga projektet e mëdha të infrastrukturës, ndërtimi i linjës së interkonieksionit, Shqipërisë -Kosovë u financua me 920 milionë lekë, e cila edhe pse ka përfunduar nuk është vënë në punë. Gjithashtu investimet në linjën unazore 110 Kv e Shqipërisë së Jugut morën 623 milionë lekë financim.
Ministria e Mjedisit gjithashtu ka alokuar 913 milionë lekë për mbylljen e vendeve ekzistuese të grumbullimit të mbeturinave. Kur kishin mbetur edhe dy muaj për mbyllej ne vitit qeveria shqiptare kishte shpenzuar vetëm 38 miliardë lekë nga fondi 62 miliardë lekësh. / monitor
