Autoritetet turke kanë arrestuar dy të dyshuar, përfshirë një zyrtar policor, në lidhje me vrasjen e ambasadorit rus, Andrei Karlov.
Anadoly raporton se ata janë lënë në arrest në kuadër të hetimit lidhur me atentatin ndaj ambasadorit rus në Ankara, Andrey Karlov, nën akuzën “se i përkasin organizatës terroriste FETO.
Mësohet se para prokurorit janë nxjerrë nëpunësi policor Sercan Basar, biznesmeni Enes Asim Silin, avokati Serkan O., nëpunësi policor Hasan T. dhe punonjësi akademik Abdulkadir S.
Pas deklaratave të dhëna para prokurorit që udhëheq hetimin, Sercan Basar dhe Enes Asim Silin janë mbajtur në paraburgim, Serkan O. dhe Hasan T. janë liruar me mbikëqyrje gjyqësore, ndërsa Abdulkadir S. është liruar.
Është vërtetuar se Sercan Basar e ka njohur Mevlut Mert Altintas, sulmuesin e ambasadorit rus, në kohën teksa qëndronin në akademinë policore.
Kujtojmë se Mevlut Mert Altintas më 19 dhjetor të vitit të kaluar qëlloi me armë ambasadorin Karlov gjatë një ekspozite në Ankara, ku më pas u vra gjatë shkëmbimit të zjarrit me policinë.
Policia zbuloi se Altintas lidhet me organizatën terroriste FETO, e cila është përgjegjëse për tentativë për grusht shteti në Turqi, më 15 korrik të vitit të kaluar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
