Ministri i Punëve të Brendshme të Turqisë, Süleyman Soylu ka dhënë detaje mbi sulmin terrorist të ndodhur në një klub nate në Stamboll, sipas Anadolu Agency (AA).
“Sipas informacioneve që kemi marrë nga forcat e sigurisë, ka pasur një sulmues. Nuk ka pasur më shumë se një. Një person i veshur me pantallona dhe xhup ka hyrë brenda duke gjuajtur mbi njerëzit e ndodhur aty. Ndërkohë është munduar të dalë jashtë me një tjetër veshje. Vlerësimi i këtyre informacioneve nga ana e forcave të sigurisë vazhdon. Puna e policisë për kapjen e autorit është duke vazhduar.”
Ministri ka bërë edhe bilancin paraprak sipas të cilit humbja rëndon me 39 të vrarë, kryesisht të huaj. Turq janë vetëm personeli i shërbimit.
“Në këtë sulm është bërë një masakër. Ky sulm është çnjerëzor. Deri më tani 39 njerëzit tanë kanë humbur jetën, identiteti i 20 prej të cilëve është mësuar. Nga këto 15 janë të huaj dhe 5 janë shtetas të Turqisë. Ndërkohë nga këto 5 persona 3 ose 4 janë nga punonjësit. Puna për identifikimin e të tjerëve është duke vazhduar”, ka deklaruar ministri i Brendshëm. /Droni.al
