Papa Francesku ka alarmuar në mesazhin e tij për një luftë të re botërore e cila sipas tij është tashmë në veprim përmes konflikteve lokale, akteve terroriste etj.
Mesazhi i Papes Françesku per Diten Boterore te Paqes është sot më 1 janar dhe do të percjellë mesazhin e jodhunës si një prej mësimeve më tëmëdha të Krishtit.
“ Shekulli i kaluar është shkretuar prej dy Luftrave vdekjeprurëse Botërore, ka njohur kërcënimin e luftës bërthamore dhe një numër të madh konfliktesh të tjera, ndërsa sot për fat të keq jemi në prag të një lufteje të tmerrshme botërore. Nuk është e lehtë të kuptohet nëse bota e sotme është pak a shumë e dhunshme sa ajo e djeshmja, as nëse mjetet moderne të komunikimit dhe lëvizshmëria, që karakterizon epokën tonë, na bëjnë më të vetëdijshëm për dhunën apo më të mësuar me të”, deklaron Papa.
Sipas Papa franceksu, në çdo rast, kjo dhunë që ushtrohet “pjesë-pjesë”, në mënyra dhe nivele të ndryshme, shkakton vuajtje të stërmëdha për të cilat jemi shumë të vetëdijshëm: luftra në Vende dhe kontinente të ndryshme; terrorizëm, kriminalitet dhe sulme të armatosura të paparashikueshme; abuzimet e pësuara prej emigrantëve dhe viktimave të trafiqeve të paligjshme; shkatërrimi i mjedisit. Me çfarë qëllimi? A e mundëson dhuna arritjen e objektivave në mënyrë afatgjate? A thua gjithçka që arrin shkakton raprezalje dhe spirale konflikti vdekjeprurës, që u sjellin përfitime vetëm pak “zotërinjve të luftës”?
Dhuna nuk është mjekimi i duhur për botën tonë të thërmuar, thotë Papa Franceksu.
