Kur Karly Tophill një mama beqare nga Cornëall, vendosi që t’ia “sekuestronte” iPhonin të birit për një vit për ta ndarë nga fiksimi që ai kishte duke kaluar kohë aty, u shokua nga ndryshimi që ai pati në sjellje.
Brenda 6 javëve ajo tha se djali i saj 12-vjeçari Dylan, filloi të fliste më shumë me familjen e tij dhe dukej më i lumtur e plot me energji. Ai kishte filluar të performonte më mirë në shkollë dhe ndihmonte me punët e shtëpisë.
Dylan kalonte 2 orë në ditë duke luajtur lojëra në telefonin e tij dhe mamaja e tij tha se ai i bënte detyrat e shtëpisë me nxitim për të hyrë në rrjetet sociale duke përdorur telefonin.41-vjeçarja sugjeron që të gjithë prindërit ta provojnë këtë tek fëmijët e tyre për të parë ndryshimet.
