Është rënduar bilanci i shpërthimeve të mbrëmshme në Stamboll. Deri tani, këto sulme kanë shkaktuar 29 viktima në total dhe 166 persona të plagosur.
Dy shpërthime goditën Stambollin qendror pranë stadiumit “Beşiktaş”.
Zëvendëskryeministri turk, Numan Kurtulmuş njoftoi në orët e para të mëngjesit të sotëm se shpërthimi i parë ndodhi nëpërmjet një makine në lëvizje dhe se shënjestra e vërtetë sipas tij ishte drejtoria e policisë afër stadiumit.
Sulmi i dytë sipas tij, erdhi 45 sekonda më vonë, kur një sulmues vetëvrasës shpërtheu në parku “Macka”. Ministri i Brendshëm, Süleyman Soylu tha se 27 policë dhe dy civilë janë midis viktimave, ndërsa 166 persona të tjetër mbetën të plagosur nga shpërthimet binjake.
Ai shtoi gjithashtu se rreth 10 të dyshuar u arrestuan në lidhje me sulmin.
Ministri i shëndetësisë Rexhep Akdag tha se 20 persona kanë lënë spitalin pas mjekimeve paraprake, ndërsa të paktën tre prej të plagosurve ndodhen në gjendje kritike për jetën.
Shpërthimi i madh ka ndodhur në rreth 10:20 të darkës me orën lokale, rreth 90 minuta pas ndeshje mes Beşiktaş dhe Bursaspor. Shpërthimi u dëgjua në të dyja anën e Bosforit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
