Kombëtarja shqiptare e futbollit ndryshon sërish fanellat e saj. Pas paraqitjes që kuqezinjtë bënë në finalet e “Euro 2016”, lojtarët do të veshin të tjera fanella në eliminatoret e Botërorit “Rusi 2018”, raporton “Panorama Sport”.
Shtatori pritet të jetë një muaj i ngarkuar për futbollistët e drejtuar nga Xhani De Biazi dhe kompania që dizajnoi fanellat e kuqezinjve i ndryshoi sërish ato për një tjetër turne të rëndësishëm.
Disa nga ndryshimet që kompania “Macron” duket se ka bërë me fanellat e reja është zhvendosja e logos së saj, stema e flamurit etj. ndërsa ngjyrat mbeten po ato.
Fanellat e reja pritet të dalin në muajin shtator, periudhën në të cilën kuqezinjtë fillojnë një tjetër fazë të rëndësishme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
