Kryeministri Rama ka cuditur në një postim afër mesnatës kur ka deklaruar një pagë ditore për minatorët ne Bulqize dhe klos që do ia kishin zili edhe ata të Amerikës apo Kanadasë.
Ndoshta i këputur nga rruga e keqe dhe plot gropa që lidh Bulqizën me Tiranën, Rama ka shkruajtur se punëtorët në Klos dhe Bulqizë paguhen mesatarisht 700 dollarë në ditë.
Apo kushedi cfare fitimi ka pasur ne mendje ate moment kur ka shkruajtur postimin. “700”, eshte nje numer ngaterrestar tipik per mazhorancen, ngaterrohej edhe Meta dikur me kete numer.
I bie që edhe Kryeministri ta lerë punën në Tiranë dhe të punojë në traverbankun e Klosit.
Ja edhe postimi me gafën:
“Sot në Klos, ku pas 30 vjetësh braktisje, kanë nisur dhe po ecin me ritëm të lartë punimet e traverbankut, një nga projektet madhore për industrinë minerare. Ky investim prej 5.8 milionë dollarësh është pjesë e kompleksit minerar të Bulqizës, që i shërben garantimit të sigurisë në punë si dhe eliminon rrezikun e përmbytjes së minierës së Bulqizës. Paralelisht me zhvillimin e minierës së Bulqizës dhe të vendburimit të Qafë Buallit hapur rishtas pas 20 vjetësh; investimin tjetër prej 12 milionë dollarësh për thellimin e pusit të Bulqizës që rrit me 30 vjet më shumë jetëgjatësine e minierës, parashikohet edhe që minerali i Bulqizës të transportohet me një linjë hekurudhore në impiantin e seleksionimit të Klosit, ku tanimë janë investuar 1.2 milionë dollarë. Më e rëndësishmja është se me këto projekte mundësojmë kalimin nga eksporti i lëndës së parë (me humbje të mëdha në vlerë reale) në përpunimin e saj në vend, çka sjell vlerë të shtuar në ekonominë kombëtare, sjell punësim real, rritje rrogash dhe më shumë mirëqenie për zonën.
Të punësuarit në këto investime të reja, paguhen mesatarisht 700 dollarë në ditë”.
