Taulant Xhaka ka qëndruar në stol gjithë ndeshjen që u luajt me Rumaninë duke ngritur dyshimet se mund të ketë një problem mes tij dhe trajnerit De Biasi.
Kur u ndërrua në ndeshjen e parë të finaleve me Zvicrën, Xhaka ka përplasur shishen me ujë në bankinë duke shprehur në mënyrë të ashpër pakënaqësinë e tij për zëvëndësimin.
Taulant Xhaka ka qenë në tribunë në ndeshjen e fundit të Shqipërisë në grup. Federata Shqiptare e Futbollit nuk ka nxjerrë asnjë njoftim rreth gjendjes së tij, mirëpo burime pranë Kombëtares kuqezi bëjnë me dije se trajneri nuk e ka pëlqyer atë shkelje të lojtarit dhe kjo ka sjellë një rebelim të mesfushorit edhe pas takimit, shkruan Panorama.
Taulant Xhaka e ka ndjekur ndeshjen për krah Burim Kukelit, i cili ka qenë i pezulluar në këtë sfidë për shkak të dy kartonëve të verdhë që ka marrë në secilën nga dy takimet e para.
Ditën përpara ndeshjes, në seancën e fundit stërvitore, Taulant Xhaka ka bërë vetëm nxemjen me shokët e ekipit dhe më pas ka lënë përgatitjen. Mesfushori ka dalë nga fusha me arsyetimin se ishte me temperaturë të lartë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
