Shqiptarët i nisën finalet në Francë me një humbje të ngushtë me Zvicrën në atë që europianët e njohën si një derbi për shkak të 19 lojtarëve shqiptarë që ishin në fushë nga të dy skuadrat.
Skuadra shqiptare luajti mirë por qartësisht nuk arriti qetësinë psikologjikeqë rezultuan në humbjet e herëpashershme të rasteve të rrezikimit dhe shënimit te porta kundërshtare. Largimi i Canës megjithatë la gjurmë pavarësisht se në një pjesë të mirë të lojës kuqezinjtë ishin dominues.
Një karton i kuq dhe tre të verdhë për lojtarët shqiptarë rrezikojnë formacionin më të fortë në ndeshjet e tjera të finaleve me Francën dhe Rumaninë.
Gashi humbi një rast të sigurtë golin minutën e 87 duke qenë vetëm për vetëm me portierin zviceran.
Në minutën e 81 sulmuesi kryesor Sadiku zëvëndësohet nga Gashi .
Ndërsa Sadiku kishte humbur nje tjetër rast te mire shenimi ne minuten e 76.
Në minutën e 70 Kuqezinjtë fitojnë një tjetër goditje nga këndi. Kaçe kroson në zonë, por largojnë futbollistët e Zvicrës.
Në minutën e 66 kishte një super pritje e Berishës. Zviceranët nisin një aksion të shpejtë me anë të Seferoviç që gjendet përballë Berishës, por ndërhyrja e gardianit kuqezi ishte vendimtare për shpëtimin një goli të sigurt.
Në minutën e 61 De Biasi prish pak raportet e derbit. Nxjerr me zëvëndësimi Taulant Xhakën, në vend të tij futet Ergys Kaçe.
Pjesa e parë
Ka përfunduar pjesa e parë me rezultatin 1-0 për zvicerianët.
Goli është shënuar në minutën e 5 nga Shar ndërkohë që skuadra shqiptare ka qenë e disa minuta në vijim.
Zvicerianët rrezikun sërish portën shqiptare me Xhemailin në minutën e 37 pas një doditje dënimi në afërsi të portës.
Skuadra shqiptare ka marrë inisiativën por nuk ia ka dalë të shënojë.
Në minutën e 33 kishte një mundësi për futbollistët e Kombëtares. Roshi nis një aksion nga krahu i djathtë, kroson në zonë, por pret portieri i Zvicrës.
Edhe në minutën e 31 kishin rast kuqezinjtë. Sadiku kontrollon një top të dhënë nga krahu i djathtë, gjuan ballë për ballë me portierin, por topi devijohet.
Edhe në minutën e 27 Xhaka pason për Roshin, ky ai jep topin Sadikut, gjuan por jashtë kuadradit.
Ndërkohë në minutën e 23 Cana është ndëshkuar me karton të verdhë për ndërhyrje të parregullt ndaj Xhemailit.
