Pasi ministri i Brendshëm Saimir Tahiri tha ditën e sotme tha se PD duhet të reagoj për arrestimine e Xhelalit duke e patur fjalën për kryebashkiakun e Kamzës Xhelal Mziu
”Keni dëgjuar të merret SHQUP me Xhelalan. SHQUP mendon se populli përtyp atë që përtypin ata. Unë nuk kam kohë të merrem me përtypjen e SHQUP-it”.
Për këtë deklaratë të Saimir Tahirit, ka ardhur dhe reagimi i Xhelal Mziut.
“Bashkia Kamëz i kujton Saimir Tahirit që njerëzit e lidhur me krimin si ai duhet të përgjigjen për atë që tashmë di çdo qytetar shqiptar. Saimiri, ky ushtar i Shullazit, duhet të jetë mërzitur, pasi ka frikë se mos ai flet në organet e drejtësisë dhe opinioni publik mëson më shumë nga sa di”, thuhet në reagim. Përgjigjja e Bashkisë së Kamzës ndaj Tahirit mbyllet me pesë pyetje drejtuar ministrit të Brendshëm.
1. Kush i jepte imunitet Shullazit në gjobat që u ka vënë biznesmenëve?
2. A është ai ushtar i Shullazit?
3. Çfarë e lidh Saimir Tahirin me Shullazin, vjedhjen e votave?
4. Kush ndërhyn për lirimin e kriminelëve nga qelitë e komisariateve?
5. Përse u përplas policia me prokurorinë në rastin e Shullazit? Nga vini urdhrat në drejtorinë e policisë Tiranë?
