Deputeti socialist, Koço Kokëdhima ishte i pranishëm në seancën e zhvilluar në Gjykatën Kushtetuese për mbarimin e mandatit të tij parlamentar, i shoqëruar edhe nga një pjesë e mirë e grupit parlamentar të PS-së.
Pas mbarimit të seancës gjyqësore, Kokëdhima u shpreh për mediat se ishte i gatshëm dhe kishte besim të plotë se Kushtetuesja do të merrte vendimin e duhur në lidhje me mandatin e tij, ndërkohë që, teksa u pyet edhe në lidhje me zgjedhjet për Sekretarin e Përgjithshëm të Partisë Socialiste, ai u shpreh se nuk e ka nuk do të garojë ndonjëherë për këtë post. Aika thënë se ka patur disa debate me Rucin por që nuk kanë që në personale dhe për garëne kreut të grupit paramentar.
Ndërkohë në seancëi pranishëm ka qenë edhe Sekretari i Përgjithshëm i Partisë Demokratike, Arben Ristani, i cili pas daljes ka dhënë një prononcim për mediat, në të cilin ai bëri të ditur shpresën që Gjykata Kushtetuese të marrë një vendim të drejtë që do të çonte në mbarimin e mandatit të deputetit Kokëdhima.
“Ju shihni një veprimtari të ethshme të deputetëve socialistë, të cilët janë turrur për të përfituar nga pasuritë publike në kundërshtim me ligjin. Rasti i Kokëdhimës është një rast i tillë ku deputeti, në kundërshtim me Kushtetutën, ka kryer veprimtari private, ndërkohë që e ka të ndaluar duke qenë se ka pasur një funksion publik, e njëkohësisht ka përfituar nga fondet publike në më shumë se 150 raste. Shpresoj njëkohësisht që gjyqtarët nuk do të jenë marrë në telefon për t’u thënë që do t’u këpusin këmbët, si në rastin e gjyqtares së Krujës. Nga ana tjetër, mendoj se e kam të vështirë të besoj, që qeveritarët e sotëm nuk do të dërgojnë Shullazët për t’u bërë presion edhe gjyqtarëve të Gjykatës Kushtetuese, ashtu siç po bëjnë ndaj kandidatëve për rektor të universiteteve, ashtu siç kanë bërë edhe për garat e tyre të brendshme në parti”, tha Ristani.
Në fund, Ristani ka theksuar se demokratët do të vazhdojnë në linjën e tyre të “dekusarizimit” të Parlamentit, sikurse kanë arritur – siç thonë, – disa fitore të vogla, sepse do të vazhdojë edhe më tutje dekriminalizimi i Parlamentit dhe jetës politike të vendit.
