E dashur Blerta, po te pergjigjem publikisht per ju dhe disa miq te tjere qe e kane shqetesim si juaji.
Problemi i shqiptareve nuk eshte opozita! Sot Shqiperia lengon ne varferi, papunesi, perpelitet per mbijetese. Qytetaret po braktisin vendin çdo dite e me shume drejt azilit, nderkohe qe Shqiperia po kapet nga krimi dhe po kthehet prone e nje grupi njerezish.
Qytetaret me mbeshtetjen e plote te Partise Demokratike kane 3 vjet qe rezistojne, perballen dhe perplasen me krimin qe eshte ne pushtet. Nga Saranda ne Malesi, nga Vlora ne Shkoder, nga Fieri ne Diber, nga Korça ne Lezhe , nga Lushnja ne Kukes dhe kudo qytetaret jane ne kembe, deget e PD dhe demokrate te ndershem jane ne mbeshtetje te qytetareve.
Kushdo qe do te ndihmoje me se pari qytetaret dhe Shqiperine duhet sot me shume se dje, neser me shume se sot qe nese per 3 vjet ka harruar te beje opozite te dale ne perkrahje te protestave dhe te lengimit qytetar!
Opozita behet ne lagje, ne fshat, ne qytet, me fermeret, me studentet, me te papunet, me pensionistet, me te shpronesuarit pa ligj dhe pa shperblim, behet me te pamundurit qe spaguajne dot faturen e dritave. Behet me te semuret qe lengojne spitaleve per ilaçe dhe qeveria ben kerdine me miliona euro, behet me studentet per tarifat e larta ne arsim, behet me prinderit qe femijet po iu kthehen ne pre e bandave dhe modeli i bandave po promovohet çdo dite nga Rama e Tahiri. Ka nje milion arsye pse qeveria duhet te marre shpulla per keqqeverisjen dhe besoj vetem nje arsye per kritike ndaj opozites. Duhet cdo dite qe ne takime, mbeshtetje dhe proteste te jene dhe njerez me mandat, te protestojne jo me pak dhe as me shume se cdo qytetar i ndershem i ketij vendi!
Nuk mund te kritikohet opozita pse paraqitet me alternative dhe jo me banda. Nuk mund te kritikohet opozita se kerkon besimin me takime ne çdo cep te Shqiperise siç Lulzim Basha po ben dhe nuk kerkon qe te trysnoje apo kercenoje votuesit. Nuk ka faj opozita qe zgjidhjen e kerkon tek ekspertet dhe tek elita dhe jo tek kriminelet dhe oligarket. Nuk ka faj opozita qe denoncon çdo dite vjedhjet e qeverise dhe premton qe drejtesia nuk harron.
Ska faj opozita qe maxhoranca e verbuar nga etja per para nuk miraton asnje amendament apo projekt te saj.
Nuk ka faj opozita qe imponon me force ligjin e dekriminalizimit por e ka qeveria qe ka promovuar dhe mban fort krimin.
Opozita eshte ne detyren e saj si garante e interesit publik. Po denoncon, po i jep ze problemeve te qytetareve dhe eshte opozite me alternative, me program dhe me zgjidhje!
