Nga vizitat e fundit të Edi Ramës te Drejtoria e Përgjithshme e Doganave
Një gallatë më vete ka qenë deklarata për shtyp, që Drejtoria e Përgjithshme e Doganave ka shpërndarë për mediat, pas analizës së sotme të punës së saj 1-vjeçare. Gallatë qëndronte në faktin se nëpërmjet një deklarate, Drejtoria e Përgjithshme e Doganave merrte përsipër të na informonte për analizën e punës së saj, të evidentonte dhe justifikonte shkaqet e dështimit, të zhvishte nga përgjegjësia qeverinë, si dhe ti përgjigjej edhe PD-së.
Që në fjalinë e parë të saj, Drejtoria e Përgjithshme e Doganave bënë me dije se analiza e thellë zhvillohet “në bashkëpunim të ngushtë” me FMN.
“Drejtoria e Përgjithshme e Doganave sqaron opinionin publik se në bashkëpunim të ngushtë me Fondin Monetar Ndërkombëtar, si edhe me organizma të tjera vendase dhe të huaja, ka zhvilluar një analizë të thellë të situatës në raport me mbledhjet e të ardhurave gjatë vitit 2015”, është fjalia që fillon njoftimi i Drejtorisë së Përgjithshme të Doganave.
Nga vizitat e fundit të Edi Ramës te Drejtoria e Përgjithshme e Doganave
Gallata vazhdon kur tentohet të “inkriminohen” parterët ndërkombëtarë, në konstatimin e arsyeve të dështimit të Doganave me mbledhjen e të ardhurave. Por në këtë tentativë, Drejtoria e Përgjithshme e Doganave nuk ka guxuar” ti përmendë emrin FMN-së, por është mjaftuar me togfjalëshin “partnerët tanë të huaj”.
“Jo vetëm Drejtoria e Përgjithshme e Doganave, por edhe partnerët tanë të huaj kanë arritur në konkluzionin se në mbledhjen e më pak të ardhurave gjatë vitit 2015, në raport me parashikimin, nuk ka pasur asnjë arsye tjetër përveç se disa dukurive dhe faktorëve të jashtëm, jashtë vullnetit të kësaj Qeverie…”, vijon deklarata e cila justifikon edhe punën e qeverisë.
Ndërsa rendit më “dukuritë dhe faktorët e jashtëm, jashtë vullnetit të kësaj Qeverie”, që kanë vulosur dështimin e punës së saj, Drejtoria e Përgjithshme e Doganave rendit:
1. Ulja e çmimit të karburantit në tregun ndërkombëtar
2. Ulja e sasisë së energjisë së importuar si pasoje e reshjeve të shumta që shtuan prodhimin në vend
3. Ulja e sasisë së produkteve bujqësore të importuara si pasojë e rritjes së prodhimit vendas
Nga vizitat e fundit të Edi Ramës te Drejtoria e Përgjithshme e Doganave
Në këtë renditje, mungon çuditërisht edhe një “dukuri” apo “faktor” tjetër, rënia e duhanpirjes, që është shoqëruar me rënien e zhdoganimit të cigareve, për pasojë edhe rënien e të ardhurave nga ky produkt. Ky fakt, i lënies së cigares nga shqiptarët, më se një herë është amplifikuar nga kryeministri e ministrat e “e linjës”…, por çuditërish u harrua nga Drejtoria e Përgjithshme e Doganave dhe “përterët ndërkombëtarë”.
Por çfarë është edhe më kryesorja, që zhvlerëson pretendimet e Drejtoria e Përgjithshme e Doganave, është “mësymja” dy herë brenda një kohe të shkurtër e kryeministrit Edi Rama në zyrat e tyre, shkarkimi i gjithë kupolës drejtuese, jo pse ulja e çmimit të karburanteve, ulja e importit të energjisë, ulja e importit të produkteve bujqësore, apo edhe lënia e duhanit nga shqiptarët, ulën të ardhurat nga Doganat, por se korrupsioni dhe kontrabanda janë “dukuritë” dhe “fenomenet” që mundësuan dështimin e tyre.
