Nuk ka më shumë se disa orë shi të dendur dhe në disa zona të vendit kanë filluar përmbytjet. Problemet e para janë janë shkaktuar në disa zona të Lezhës dhe Fushë Krujës.
Vërshimi i ujërave të Lumit Mat si pasojë e shkarkimëve të hidrocantralit të Ulëzës dhe Shkopetit, ka vënë në rrezik edhe rrugën e Kombit.
Gërryerjet e lumit i janë afruar trasesë së këtij aksi rrugor në afërsi të fshatit Skuraj.
Ndërkohë kanë mjaftuar vetëm pak orë reshje shiu që lumi Ishëm në Fushë Krujë të dalë sërish nga shtrati duke përmbytur qindra hektar tokë bujqësore të mbellura.
Përmbytjet më të shumta janë shënuar në zonën e fshatit Murqin dhe Mallkuç. Deri tani mësohet se janë përmbytur rreth 200 ha tokë bujqësore e e mbjellur ndërsa 10 banesa janë të rrethuara nga uji.
Ndërkaq ende nuk vihen re probleme në Kukës dhe Tropojë ku trashësia e dëborës është afërisht 10 cm.
Gjate dites se shtune, 16 janar 2016, moti mbi vendin tone do te karakterizohet me reshje shiu me intensitet të lartë që prej orëve të para të ditës dhe gjatë gjithë ditës.
Do te kete prani shtrëngatash dhe stuhi të shoqëruara me vetëtima si dhe stuhi dëbore në verilindje të vendit. Reshjet e deborës gradualisht do të zbresin lokalisht deri në zonat e ulta në lartësitë 200m.
Temperaturat parashikohen të jenë: Vendet malore -1/4; Vendet e ulta 5/7; Vendet bregdetare 8/10.
