Për një padi që KESH kishte bërë në gjykatë për 33 fatura të pa paguara të Kryegjyshatës Botërore të Bektashinjve, ka mjaftuar vetëm një seancë gjyqësore për fillimin e përfundimin e këtij procesi gjyqësor. Paditësi, KESH, nuk është përfaqësuar në seancën gjyqësore. Në këto rrethana, gjyqtarja Irena Hoxha, në seancën e datës 7 dhjetor 2015, vendosi pushimin e çështjes.
“Në seancën e sotme gjyqësore të datës 07. 12. 2015 përfaqësuesi i palës kërkuese nuk u paraqit edhe pse kishte dijeni për datën dhe orën e gjykimit nga prezenca e tij në seancën e datës 03. 12. 2015 dhe pa paraqitur ndonjë shkak të arsyeshëm nuk është paraqitur në gjykim. Në këto rrethana, Gjykata, në referim të nenit 175 dhe nenit 179/1 të Kodit të Procedurës Civile ku parashikohet ‘Nëse paditësi ose asnjë nga palët, pa ndonjë shkak të arsyeshëm, nuk paraqiten, si në veprimet përgatitore ashtu dhe në seancë gjyqësore dhe rezulton se kanë dijeni rregullisht, gjykata apo gjyqtari i vetëm vendos pushimin e gjykimit’, çmon se, në rastin konkret duhet të vendoset pushimi i gjykimit të kësaj çështje civile për mosparaqitje të përfaqësuesit të palës kërkuese Korporata Elektroenergjitike Shqiptare,KESH sh. a., në gjykim pa shkaqe të arsyeshme. Sa më sipër bazohet dhe në nenin 299/c të Kodit të Procedurës Civile. Sa më sipër rezulton e provuar me procesverbalin e seancës gjyqësore si dhe me aktet shkresore të administruara në dosje”, vëren gjyqtarja në argumentimin vendimit të saj.
V E N D I MI I
Për këto arsye
Gjykata bazuar në nenet 127, 179/1 dhe 299/c të Kodit të Procedurës Civile
V E N D O S I
1-Pushimin e gjykimit të çështjes civile me nr. 9433 Rregj. Them. e datës 25. 11. 2015 me palë ndërgjyqëse: Kërkues: Korporata Elektroenergjitike Shqiptare KESH sh. a., me objekt Lëshimin e Urdhrit të Ekzekutimit për titujt ekzekutive: Fatura te energjisë elektrike, 1) 22.01.2004 2) 27.02.2004 3) 23.03.2004 4) 22.04.2004 5) 26.05.2004 6)25.06.2004 7) 23.07.2004 8) 16.08.2004 9) 27.09.2004 10) 21.10.2004 11) 28.12.2004 12) 25.01.2005 13) 25.02.2005 14) 26.03.2005 15) 26.04.2005 16) 19.05.2005 17) 15.06.2005 18) 27.07.2005 19) 27.08.2005 20) 17.09.2005 21) 20.10.2005 22) 21.11.2005 23) 20.12.2005 24) 22.02.2006 25) 29.03.2006 26) 27.04.2006 27) 26.05.2006 28) 24.06.2006 29) 24.07.2006 30) 26.08.2006 31) 25.09.2006 32) 30.10.2006 33) 29.11.200, ne ngarkim te subjektit Kryegjyshata Botërore e Bektashinjve Tiranë me vlerë 273513.60 lekë për mosparaqitje të palës kërkuese në gjykim.
2- Shpenzimet gjyqësore lihen siç janë bërë.
3- Kundër vendimit lejohet ankim i veçantë në Gjykatën e Apelit Tirane brenda 5 ditëve duke filluar ky afat nga e nesërmja e shpalljes. Për palën në mungesë ky afat fillon nga dita e nesërme e komunikimit te vendimit.
U shpall ne Tiranë më datë 07.12.2015.
SEKRETARE GYQTARE
Irma QOSJA Irena HOXHA
Shpenzime gjyqësore
Taks regjistrimi 200 lekë
Taks njoftimi 100 lekë
Totali 300 lekë
Për më shumë mu të lexoni edhe …
Baba Mondi nuk paguan dritat, KESH i bllokoi llogaritë Kryegjyshatës
/web/Baba_Mondi_nuk_paguan_dritat_KESH_i_bllokoi_llogarite_Kryegjyshates_11249_1.php
