Automjeti i shpërthyer i Elton Imerit
Shpërthimi i makinës së Elton Imerit në qendër të Kombinatit, dyshohet se ka lidhje me grabitjen e të moshuarve në Tepelenë, ngjarje për të cilën është arrestuar edhe vëllai i tij, Ervis Imeri.
ABC News ka mësuar se policia e shtetit, ka ngritur dyshime se vendosja e rreth 400 gramë tritol, poshtë makinës së efektivit të policisë ushtarake Imeri, është bërë për hakmarrje. Këto dyshime, hetuesit i kanë përforcuar pasi në korrik të këtij viti, vëllait të tij, tashmë të arrestuar Ervis Imeri i është vënë një sasi prej 200 gram tritol, eksploziv të cilin e kishte pikasur çka më pas u çaktivizua nga xhenierët e RENEA-së.
Burimet thonë, se nga hetimet paraprake dhe marrja në pyetje të familjarëve, rezulton se Elton Imeri, nuk ka konflikte personale.
Për hetuesit, e vetmja pistë hetimit tashmë mbetet shpërthimi i makinës së tij për hakmarrje, për ngjarjen ku është përfshirë vëllai i tij. Sipas policisë, mesnatën e 31 marsit të këtij viti në lagjen “Demokracia” në Tepelenë, 4 persona të maskuar e të armatosur, mes tyre edhe shtetasi Ervis Imeri, nën kërcënimin e armës dhe dhunës grabiten banesën e të moshuarit Naim Çiça. Si pasojë e dhunës, të moshuarit qëndruan disa javë në spital për shkak të dëmtimeve të mara.
Nga ana tjetër, policia thotë se shpërthimi i makinës së Elton Imerit është bërë me celular në distancë, duke hedh dyshime se atentatorët e kanë ndjekur për të parë lëvizjet e tija. Në momentin e shpërthimit, makina ka qenë në lëvizje ndërsa drejtuesi i mjetit, 34 vjeçari ka humbur dy gjymtyrët e poshtëm.
Gjatë atentatit efektivi i policisë ushtarake ndodhej i vetëm në automjet. Ai më pas është shoqëruar në spital për të marrë ndihmën e parë dhe ndodhet jashtë rrezikut për jetën.
Për më shumë mund të lexoni edhe …
Tiranë, shmanget hedhja në erë, çaktivizohen 600 gr lëndë eksplozivi në një automjet
/web/Tirane_shmanget_hedhja_ne_ere_caktivizohen_600_gr_lende_eksplozivi_ne_nje_automjet_4616_1.php
Si edhe …
FOTO GALERI/ Automjeti i fotografuar me Dron, ku u gjet dhe u çaktivizua 600 gr eksploziv
/web/FOTO_GALERI_Automjeti_i_fotografuar_me_Dron_ku_u_gjet_dhe_u_caktivizua_600_gr_eksploziv_4641_1.php
