Të ardhurat e pritshme për vitin 2015, nga Administrata doganore, pritet të shënojnë një deficit në fund të vitit në vlerën e 9. miliardë lekëve.
Në këtë shumë është programuar të mblidhen me 526 milionë lekë me pak nga taksa doganore, 5.1 miliardë lekë me pak nga TVSH-ja, 4,3 miliardë lekë më pak nga akciza dhe 274 milionë lekë më pak nga renta minerare.
Ministria e Financave bën të ditur se, në këto parashikime janë bërë bazuar në të dhënat operative të periudhës Janar-Tetor 2015 (operative) dhe mbi këtë performancë është bërë parashikimi i të ardhurave për 2 muajt e mbetur të vitit.
Për periudhën 10 mujore 2015, të ardhurat nga administrata doganore janë realizuar në masën 118,6 miliard lekë, për muajin Nëntor të ardhurat doganore priten të jenë rreth 13,7 miliard lekë, ndërsa për muajin Dhjetor priten të jenë rreth 14,7 miliard lekë.
Nga analiza evidentohet se zërat më të nënperformuar në të ardhurat e administratës doganore janë Tatimi mbi Vlerën e Shtuar, me rreth 5,1 miliard lekë më pak nga planifikimi dhe të ardhurat nga Akciza me rreth 4,3 miliard lekë më pak nga planifikimi.
(“Monitor”)
