FOTO/ Tregtarët shpërthejnë në protesta: Po heqin tregjet për të hapur vetë outlet

Disa qindra tregtarë protestuan sot para zyrave të Kryeministrti Rama për të kundërshtuar ligjin e ri të procedurave tatimore, i cili parashikon gjoba dhe burgosje të biznesmenëve.

Protesta të tregtarëve u zhvilluan sot në të gjithë vendin, si Korçë dhe Fier, ku tregtarët janë shprehur kundër masave të ndërmarra nga qeveria.

Kreu i shoqatës për Mbrojtjen e Tregtarëve dhe të Tregut, të Shqipërisë, Nikollaq Neranxi tha se ligjin e kanë çuar në Gjykatën Kushtetuese dhe janë të sigurt se do ta fitojnë.

“Në cilësinë e një sipërmarrësi nuk do më vinte mirë që të dilja para kësaj qeverie që të kërkonim të drejtat tona sepse si një drejtues i një biznesi të madh kemi votuar për të ardhur në pushtet dhe këta nuk duhet ta harrojnë se këtu është derdhur gjak dhe kjo qeveri nuk po na i jep të drejtat tona. Ne duam drejtësi. Ne nuk jemi sot këtu që ti kujtojmë qeverisë që pardje nxori një ligj për të dënuar gazëtaret dhe nga presion i gazetarëve e hodhi poshtë këtë ligj. Ne jemi këtu për të kërkuar të drejtat tona. Ne nuk jemi dakord me gjobat e vëna nga qeveria. Si shoqatë e mbrojtes së tregtisë ne e çuam në Gjykatën Kushtetuese dhe kemi për ta fituar”, tha Neranxi.

Kundër ligjit të ri të gjobave janë shprehur edhe sipërmarrësit e huaj. Një tregtar nga Belgjika në Tiranë dhe se kjo është shumë e vështirë.

“Është me vërtet e vështirë të paguajmë gjoba. Sipas ligjit të ri është shumë e vështirë për ne. Nuk jemi pjesë e Europës, jemi ende në Shqipëri dhe duhet të ndryshojmë dalëngadalë dhe jo menjëherë”, u shpreh një sipërmarrës i huaj në Tiranë.

Ndërsa tregtarët thanë se nuk janë dakord më këtë ligj dhe se protesta e tyre do të zgjerohet edhe më shumë në të gjithë Shqipërinë.

“Jemi këtu për t’i tregojmë kryeministrit të drejtat tona dhe që me ligjin që ka nxjerrë nuk jemi dakord. I kërkojmë kryeministrit të mos shohim më inspektorë tatimesh në dyqane. Ne i kërkojmë sic veproi me gazetarët të bëjë edhe me ne. Janë vendosur gjoba, janë sekuestruar mallet. Duhet të hiqet ligji”, shrehet një tregtar.

“Nuk ka vend në botë që ta trajtojë biznesin si kriminelë, nuk ka vend në botë që ta trajotjë biznesin si të keqen e vendit. Biznesi është pjesa më e shëndoshë e shoqërisë, sepse jemi të lirë. Kjo nuk është vetëm luftë ndaj biznesit, por edhe luftë ndaj njerëzve të lirë. Është luftë ndaj njerëzve që bukën e gojes e nxjerrin me djersë. Këta duan të heqin qafe biznesin e vogël, sepse duan që nga importi deri tek shitja me pakicë ta kontrollojnë vetë. Këta duan që në vend të tregut të medresës duan autlet që të ketë vetëm një pronar që ai ti shesë të gjitha. Këta duan që tregtinë ta kontrollojnë vetëm 10-20 veta. Ne nuk jemi dakord. Prandaj beteja jona do të vazhdojë. Kjo është protesta më e vogël. Portesta më të mëdha do të ketë. Do të shkojmë në cdo qytet dhe do ti themi qeverisë që të tërhiqet. Kjo nuk është një protestë politike. Na intereson buka e fëmijëve tanë”, tha një tregtar tjetër.

Tregtarët bënë të ditur se beteja e tyre do të vijojë edhe në rrugë ligjore, pasi i janë drejtuar Gjykatës Kushtetuese, kundër ligjit të ri të procedurave tatimore.

/DRONI.al/