I ka dhënë fund jetës së tij, duke u vetëvarur në qelinë e burgut në Itali. Shqiptari i dënuar për vrasjen e dy grave të bashkëshortes dhe të të dashurës, është vetëvarur në dritaren e qelisë, në burgun e Masassit, me llastikun e tutave, raportojnë mediat italiane.
54-vjeçari, Asllan Agoj, qe 13 vjet më parë vrau me kazmë gruan e tij i ka dhënë fund jetës në fundjavë.
Ai ishte lënë i liri pas 9 vitesh burg, por vetëm një vit më parë vrau të dashurën e tij të re me shtatë goditje thike, ndërkohë që fëmijët e saj ishin në shkollë. Më pas tentoi t’i jepte fund jetës, por nuk e ka arritur. Policia e shoqëroi në burg, ku priste edhe gjykimin për vrasjen e dytë.
Mediat italiane, raportojnë për mungesë të kushteve të sigurisë në burgje, duke i mëshuar faktit se kanë ndodhur shumë raste të ngjashme.
Rreth 13 vite më parë në Cave, pranë Romës ai vrau gruan e tij. Atë e masakroi me kazmë, duke e qëlluar disa herë në kokë. Për krimin u dënua me 14 vjet burg, por u lirua vetëm pasi kreu 9 vjet.
Itali, vrau gruan dhe të dashurën. Vetëvaret në qeli shqiptari
