Gjykata lë një muaj në burg, Anton Lekën, shokun e deputetit socialist Armando Prenga, të dyshuar si i përfshirë në konfliktin me familjen Cali.
Sipas prokurorisë, mësohet se me aktet e ekspertimit kimik nr. 8736 dhe 8737, datë 05. 09. 2015 është arritur në konkluzionin se në shiritat ngjitës me të cilët është marrë material në dorën e shtetasve Armando Prenga dhe Anton Leka, është evidentuar prania e nitrateve dhe nitriteve të cilët janë të pranishëm edhe nga mbetjet e qitjes me prejardhje nga barutet, kurse 18 persona të tjerë të ekspertuar për të njëjtin fakt nuk u është gjetur prania e faktorëve plotësues të qitjes.
Kundër pretendimeve të prokurorisë, avokati i Lekës, ka justifikuar gjetjen e këtyre mbetjeve në duart dhe trupin e klientit të tij, me një prezencë të tij, pak çaste para konfliktit, në një dasmë, ku edhe ka pasur fishekzjarrë, mbetjet e të cilëve janë gjetur te i arrestuari.
Përpos këtyre pretendimeve, gjykata vendosi ti japë një muaj kohë prokurorisë, për të plotësuar dosjen me prova të tjera ndaj Anton Lekës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
