Kombëtarja shqiptare është pritur nga qindra tifozë në aeroportin Rinasit pas kthimit nga Danimarka. Rreth orës 19.30 ambientet e jashtme të aeroportit janë mbushur me tifozë, flamuj dhe brohoritje për ekipin kombëtar.
Vetëm dy ditë më vonë, të hënën në 20.45 Shqipëria do të luajë një tjetër ndeshje kundër Portugalisë, kësaj here në Elbasan Arena
Pas ndeshjes me Danimarkën, Shqipëria është e treta në grup, me pikë të barabarta me Danimarkën, por me golavarazh të përgjithshëm më të mirë. Me barazimin e djeshëm, kuqezinjtë ruajnë pozitat dhe avantazhi është se ka një ndeshje më tepër se Danimarka. Përballja e së hënës me Portugalinë është shumë e rëndësishme. Edhe me një barazim do të ruante mundësinë e përfshirjes në finalet e evropianit pasi Shqipëria kalon në vendin e dytë, në një kohë që dy ndeshjet e fundit i luan ndaj Serbisë në Shqipëri dhe Armenisë në transfertë, të dyja jashtë aktualisht jashtë garës.
Në anën e Shqipërisë është edhe sfida e fundit e danezëve. Ata do të luajnë me me Portugalinë.
Barazimi në Danimarkë ka nervozuar edhe trajnerin danez Martin Olsen i cili ka shfryrë jo ndaj ndeshjes por sfondit të saj, tifozerisë dhe drejtëpërsëdrejti ndaj Ismail Morinës, i njohur si Ballist Morina që futi dronin në stadiumin e Beogradit.
“Ndjeva neveri për foton e njeriut që ngriti dronin në Beograd me lojtarët e Shqipërisë, që e pashë para se të dilnim nga hoteli. Ky gjest nuk ka lidhje fare me ‘fair-play’-n. Ky gjest ma shpifi dhe e theksoj nuk është ‘fair-play’. Ende nuk e kuptoj vendimin që mori KAS-i (që i dha Shqipërisë fitoren 3-0 në tavolinë për ndeshjen me Serbinë). Gjithashtu, nuk e kuptoj faktin që UEFA nuk reagoi fare ndaj këtij vendimi. Kjo është anti-sportive”, ka thënë në zemërim e sipër, Morten Olsen.
