Biznesi fason e konsideron të papërballueshme tarifën e skanimit të kontenierëve në dogana. Edhe pas rishikimit të saj nga 39 euro në 22 euro për çdo deklaratë doganore, sipas biznesit fason, kostot që shtohen vetëm nga kjo tarifë shkojnë deri në 8 mijë euro në vit, duke i bërë të papërballueshme kostot.
Sipas përfaqësuesve të biznesit fason, edhe pse kjo taksë është 22 euro, ajo realisht është 44 euro, pasi malli deklarohet dy herë, kur hyn dhe kur del.
Gjergji Gjika shprehet: “Është 22 euro edhe kur hyn malli, por edhe kur del. Ne gabimisht e themi 22 euro, se ajo është 44 euro që duhet të paguajë për të njëjtën deklaratë doganore. Nëse kemi një kamion me rast minimal po e marr unë, me 5 klientë, ky kamion do ta bëjë këtë rrugë normale dy herë në javë, ju e kuptoni që kosto është sa 10-12 punëtorë të kësaj fabrike që nuk ka më shumë se 100 punëtorë.
Fasonistët akuzojnë edhe për burokraci të shtuara në dogana. Sipas tyre, në disa pika po rikthehet taksimi i dyfishtë me Bashkimin Europian”.
Ata thonë se marrëveshja për kodin e ri doganor ku parashikoheshin disa lehtësira, e miratuar në parlament nuk po zbatohet nga administrata doganore.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
