“Tallavaja” arreston në lokalet e natës 2 persona dhe shoqëron 26 balerina

Operacioni policor “Tallavaja” në Tiranë ka  vënë në pranga dy shtetas dhe ka shoqëruar për verifikim 26 vajza. Operacioni u bazua në kontrollin e lokaleve të natës për drogë, prostitucion, armëmbajtje pa leje, kryesisht në zonat e komisariatit Nr. 6 dhe Nr. 3.
Nga kontrolli i ushtruar është  vënë në pranga për veprën penale “Përshtataja e lokaleve për përdorim droge” dhe “Prodhim dhe shitje e narkotikëve” 23-vjeçari Arlond Gashi, nga Kukësi banues në Tiranë, pronar i një lokali me muzik live në rrugën dytësore Tiranë-Kashar. Gjithashtu është arrestuar dhe shtetasi Aldi Mata, 23 vjeç, nga Tropoja banues në Tiranë, për veprën penale “Prodhim dhe shitje e narkotikëve. Atij iu gjetën 20 doza kokainë, po në lokalin me muzik live si edhe u sekuestruan 5 pjata dhe tre karta që shërbenin për ndarjen e lëndës narkotike dhe një sasi prej 0.6 gram lëndë e dyshuar narkotike Kokainë.
Në vazhdimësi të kontrolleve të lokaleve  të natës u shoqëruan në mjediset e Drejtorisë së  Policisë Qarkut Tiranë  26 shtetase të seksit femër.
Nga dëshmitë e vajzave të shoqëruara në polici, mësohet se nuk janë shfrytëzuar për prostitucion, ndërsa kanë pranuar se paguhen me para në dorë.
Nga vajzat e shoqëruara në polici që ishin balerinë ose këngëtare në lokalin me muzik live, ishin edhe të mitura, të cilat ishin shpallur në kërkim. Ato janë pyetur në prani të psikologes dhe janë marrë më vonë nga prindërit.
Policia njofton se operacioni për kontrollin e lokaleve të natës do të vijojë çdo fundjavë.